ఏడు వారాల నగలు....

పూర్వము ఏడు వారాల నగలకు ఎంతో ప్రత్యేకత ,ప్రాముఖ్యత ఉండేది ఆ ఏడు వారాల నగల గురించి ఎంతో గొప్పగా చెప్పుకునేవారు.వీటి గురించి తెలుసుకోవాలని మా అమ్మ ని అడిగాను .
మన పూర్వీకులు మొదటగా గ్రహాల అనుగ్రహము కోసము, ఆరోగ్యరీత్య బంగారు నగలను ధరించెవారు అట,వారము రోజులు అంటే ఆదివారము మొదలు శనివారము వరకు రోజుకొక బంగారు ఆభరణములను ధరించేవారు,
కంఠహారములు,గాజులు,కమ్మలు,ముక్కుపుడకలు,పాపిటబిల్ల,దండెకము(ఈనాటి వంకీ),ఉంగరాలు ఇలా చాలా ఆభరణాలు ఉండేవట.
ఆదివారము ..సూర్యుని కోసము కెంపుల కమ్మలు,హారాలు,గాజులు.
సోమవారము..చంద్రునికోసము ముత్యాలహారాలు,గాజులు.
మంగళవారము..కుజునికోసము పగడాల దండలు,ఉంగరాలు,గాజులు మొదలగునవి.
బుధవారము .. బుధునికోసము పచ్చల పతకాలు,కమ్మలు,గాజులు మొదలగునవి.
గురువారము.. బృహస్పతికోసము పుష్యరాగము,కమ్మలు,ఉంగరాలు మొదలగునవి.
శుక్రవారము.. శుక్రునికోసము వజ్రాల హారాలు,ముక్కుపుడక,వజ్రాల గాజులు మొదలగునవి.
శనివారము..శనికోసము నీలమణి మణిహారము,గాజులు మొదలగునవి.