సీక్రెట్స్ ఆఫ్ సక్సెస్

అతను 1940లో కేరళలోని తనను తానే పోషించుకోలేని ఓ జూట్ కార్మికుడి ఇంట్లో పుట్టాడు. చిన్నప్పుడే తండ్రి చనిపోయాడు. హాస్పిటల్ భిల్లు 600 రుపాయలు చెల్లించకపోతే తండ్రి శవాన్ని తీసుకెళ్ళకూడదని డాక్టర్లు చెప్పడంతో తండ్రి శవాన్ని అలాగే వదిలేయాల్సి వచ్చిన నిర్బాగ్యుడతడు.
అలాంటి చీకటి చిన్నతనంలో అతను ఆ పనులు ఈ పనులు చేస్తూ కాలం గడిపాడు మద్రాసు ఆకాశవాణిలో పాటలు,సంగీత పోటీలలో పాల్గొన్నాడు.పాడాలన్న పిచ్చి ఉన్న ఆ బాలుడి వాయిస్ బాగుండలేదని న్యాయనిర్ణేతలు బహుమతి ఇవ్వలేదు.ఆడిషన్ టెస్టలోనూ ఫెయిలయ్యాడు.
"అతను కుంగిపోయాడు - కాని తాత్కాలికంగానే!బాధపడ్డాడు కాని కొంచెం సేపే!...
ఆలోచించాడు...శ్రమించాడు...తపస్సు చేశాడు పాటలు పాడుతూనే ఉన్నాడు" ..అందుకే "జేసుదాసు" అయ్యాడు.
మరి మరొక మహానుభావుడు విషయం చూద్దాం
"వెలివాడలా ఉంటుంది నిజామాబాద్ జిల్లాలోని మా నాళేశ్వర గ్రామం.అక్కడ వున్న జంగాల కుటుంబం మాదొక్కటే. శవం ముందు శంఖం ఊదడం, ఉదయం పూట భిక్షాటన చేసి బతకటం నాకు చిన్నప్పుడు తప్పలేదు.నా బాల్యం నిలువెత్తు విషాదపటం. యాచక కులవృత్తి వంశంలో జన్మించింది నా దేహం.
చిన్నప్పుడు అమ్మ ఉండగానే నాన్న మరోపెళ్ళి చేసుకోవడం,అమ్మను నాన్న చిత్రహింసలు పెట్టడం,పుట్టిన 30వరోజునే మా చెల్లెలు కన్నుమూయటం,చెరువు కట్ట పక్కనే ఉన్న మా చెల్లిలి సమాధి ధగ్గర నేను ఏడవడం ఇదంతా కన్నీళ్ల ప్రపంచం మా నాన్న నన్ను ఉదయంపూట భిక్షాటనకు పంపేవాడు."మా ఊళ్లో ఎవరు చనిపోయినా శవం ముందు శంఖం ఊదడానికి మా నాన్న నన్నే పంపేవాడు" శవం చుట్టూ చేరి,హొరెత్తి ఏడ్చేవాళ్లను చూసి నాకూ దుఃఖం వచ్చేది.అనేక రాత్రుళ్లు నిద్రలేనివే....
ఇంతటి విషాద బాల్యపు భారాన్ని మోసి..అలా అలా ఆ వ్యక్తి అనంతరం ఎంఏ చేసి ఓ లెక్చరర్ గా ,ప్రముఖ కవిగా ఎదిగారు. అతని పేరు "నాళేశ్వరం శంకరం". అత్యంత ప్రతిష్టాత్మకమైన ఫ్రీవర్స్ ఫ్రంట్ అవార్డుతో సహా వివిధ అవార్డులు పొందిన మహనీయుడు.
ఇలా ఎందరో మహానుబావులు వారి యొక్క అమూల్యమైన విషయాలను మనకు తెలియచేసిన వ్యక్తి "శ్రీ ఆకెళ్ల రాఘవేంద్ర "గారు." సీక్రెట్స్ ఆఫ్ సక్సెస్" అనే పుస్తకంలొ వారు వివరించారు సమస్యల్ని ఎదుర్కొనే ధైర్యాన్ని,ఒడిదుడుకులను ఎదుర్కోగల పట్టుదలను మనకు తెలియకుండా మనలో నింపే అమూల్యమైన పుస్తకం ఈ "సీక్రెట్స్ ఆఫ్ సక్సెస్"

శ్రీ ఆకెళ్ల రాఘవేంద్ర గారు మీకివే మా హృధయ పూర్వక ధన్యవాదాలు